電攻怪傑－Shrapnel

今次主角Shrapnel（子母彈）為狂派昆蟲派的成員之一，一位著迷於電流的怪傑。手頭擁有官方和第三方各一，下邊一一講講吧。
就比例而言，FPJ為d級，孩記為legends級，不過就我個人而言，反而更中意平價的孩記版，小小比例五臟俱全。

先睇昆蟲形態，變作鹿角蟲，孩記版當然更加似，FPJ因為版權問題，另闢新路變為電子昆蟲。邊個好d？各花入各眼，FPJ某d細節的設計更加有G1玩具的感覺，真是睇個人喜好了。

變形！官方改變規例後，legends級承繼了過往稍為大d既scout級的特點，雖然部份關節減少，但該有的可動依然。

同售的有其目標戰士Reflector，通過巧妙變形，成為其標誌性的武器。人仔細細卻可以三變，如果論到幾何形態的壓縮，第三方依然仲有好多地方唔及官方來得成熟。

至於FPJ版，變身忍者戰士，人形下十分魁梧，不過因為是打擦邊球的關係，所以其好多標誌性特徵都沒左，例如放電的雙肩觸角。不過可動性因為要顧及其忍者的身份，反而幾好扭，美中不足是其只有冷兵器，好在其手掌為半開狀，可以配合官方的使用。

後記：官方第二款昆蟲派員已出，不過今次少左目標戰士搭配，可惜可惜，等我入手後再介紹了。