16年總結

 

轉眼一年又過，在此向各位同好拜個早年，同時亦祝願大家聖誕，新年快樂！
除了展望未來當然仲要回顧過去一年啦，所謂溫故而知新嘛～～今年本blog發post量大減，既有生活上工作上的變動，亦有個人的問題，例如相機問題。。。好，再多解釋也是借口，寄望來年會有一個新的方向吧。今年雖然post少咗，但玩具卻沒少買，略為揀選了10件個人今年的心頭好同大家分享吧。頭炮當然是年度之選，日版的福特。記得細個每次經過商場的老變攤位，總會望住櫥窗內最貴的福特許久不願離開，一轉眼就三十年了，而立之年買一隻G1復刻的福特當然沒問題，只是要比以前幾倍的價錢買件復刻品，同要忍受現在看來已經唔得的外形，又是望而卻步了。但時代總會在進步的，適逢今年官方大搞頭領戰士，乘著大熱之勢，福特以新規復活了。雖然是改模，但總算是有新意同一個新頭，比例更加合理；而當福特本體入電，唱起主題曲時，整個人都燃了，逝去的童年啊T 。T～～

不知是否因為變成頭領後設計方便了的緣故，好多經典角色都以更加G1的外形復活，例如以下這款不在用對手之軀改模的拍子達。不中意佢變頭領也好，變形簡單也罷，佢絕對是今年我會一直玩在手上的老變，理由則是一直都在強調，簡單的快樂最緊要！

年底時出的鈦師傅，你可以話佢怪異色水唔靚，但絕對不能無視佢是官方第一款可變鈦師傅（botcon的版本因是帶有私人年會改模性質，不計）。或許就是呢個原因，我幾中意佢的，雖然我未得閑拆。。。老變部份仲有好多新品，但就唔一一講了，留待日後post吧。

好，老變部份講完，來到一個今年終於嘀起心肝開始儲的戰隊系列。其實作為日本三大特攝，戰隊我是一直有留意的，遇到好題材一般都會追看，但無奈在其玩具的出品一直都是較為直來直往的合體設計，故一直沒入。直到SR合金的可動版推出，我先開始涉獵，但隨著系列的中斷，又平靜了。今年是戰隊40週年，或者因為明年有荷李活版電影的推出，美版特然改新規推出了可動戰隊人偶，除去外形略微肌肉向，整體已經好接近SHF了，加之每盒附帶部件可以砌出可動機械人，比例接近SR合金，一下子就將我帶入坑中。。。希望今次美版會爭氣，出多幾款先斷吧，哈哈。

感恩節是短暫回國同婆婆慶祝生日，順便當然就是大掃貨啦，SHF紅戰士而家好抵玩，仲差幾隻就收齊了，依然都是果句，bandai快快重啓呢個系列吧，絕對有市場嘎！

咁多一次過買，點都會有一隻是最愛的代表吧，於是揀出五星作為代表，一直到今日我都依然覺得佢個設計好型，估計明年會優先分享吧～～

上次回國一下子入了好多B戰士大將軍重新入坑，今次返去則收斂了好多，但亦入了整整一箱，點解？因為下邊呢隻是要好多盒的部件先可以合出。。。當然喇，個人的大將軍之旅亦接近尾聲，基本出過都有了（甚至未出過的亦買了同人版）。

今年接著護照的方便第一次去香港玩，雖然時間好短，但亦走馬觀花地去過好多景點。最後一站去了HK的豆豆城，幾次准備走都覺得爭緊啲嘢咁
，硬是覺得唔買翻件嘢唔聚财咁，最後就有了這傢伙，返到廣州一睇當地價錢，絕對買貴，不過算是完了一個兒時願望（在香港買龍珠的產品）。當然喇，啪起的效果唔差的。。。

因為一款爆衫的悟空令我愛火重燃，而新出的超級比達當然是買買買，最愛的形態！

既然前邊講了特攝，當然不能不提拉打。今年SIC雖然出得少咗，但買氣依然，等了又等，終於買到價錢沒咁貴的OOO全黃combo，來年的水果騎士其實設計得唔錯，希望唔好太多限定啦，當然個人的電單車計劃繼續執行中，還望各位繼續支持！

最後則是年底因電影而原力大爆發的星戰系列。理論上6吋我是點到即止的玩票性質，所謂方寸顯功力，雖然而家的孩記375大部分都是倒退到70年代的可動，但其實即使是不可動的版本，刻畫上亦是水準之作，真是差關節而已，所以當然照舊照單全收啦，不過高可動的版本是依然有出的，遇到出兵會點？組隊囉，呵呵。。。以下的死兵就是年底最愛了！

  

後記： 16年即將過去了，過去一年的回顧亦就此打住，期待明年可以滿血復活有更多post分享吧，當然亦要盡快將舊有沒字的post補充完整，總之，明年見！