2015年4月5日星期日

五年計劃完成!


平成系拉打的座駕最後一臺machine kivaa完工,多年夢想終於實現了!睇翻記錄,原來由沒到有,到完夢,花了五年幾時間~~五年幾前,因為對官方遲遲唔出人車set而抱怨,加上小夥伴的推波助瀾,我開始嘗試自己改車比平成拉打用,自此就有了第一部自改的HIbiki專用車凱火,之後最得意的作品龍騎部龍車亦順利出爐,更加穩定了我繼續整下去的心。講落,今次Kiva部車實際上整龍騎時就已經准備了,因為10年整龍騎車時,龍爪是用Amazon部車的尾翼改的,多出的部份當時就已經構思比Kiva部車用(SPC土炮版後來亦是這樣處理,但按年份,如果我部machine kivaa出先,那麽就變成是佢地借鑒我的諗法了,可惜)。
這五年間,SPC土炮版的車我亦收過唔少,一來平時開工時間唔多想快點完夢,二來 當年的技術未過關,借力是最好的捷徑。不過自從土炮越出越慢,甚至最後唔再出開始,唔耐煩的我通過努力就慢慢趕了上來。。。


一層層睇吧,龍騎部車到今日都依然好滿意,至於Kabuto果部,土炮版是另一種生化風格,但等佢出貨前,我就已經搞掂了,慳返~~


第二層完全自家製喇,因為OOO同魔法師的出現,令Kiva部車一再退後,尤其是OOO,原本佢部車本體是留比Kiva用的,只能講是意外的神來之筆吧。


Decade果部其實我唔是好中意個設計,不過我實在沒條件調出這種粉紅色,假手於人吧^^


最底層,Kuuga果部當年是用土炮的G3部車改的,算是半件自改作吧~~



後記:睇睇旁邊的昭和系展櫃,有唔少極魂的東西,似乎是時候要計劃昭和系班前輩們的車車了。。。

5 則留言: