2013年11月17日星期日

博派明星-Hoist


書接上回,同Trailbreaker同wave還有一雞兩味的Hoist。其實好有趣的,作為G1動畫中的電影明星,Hoist一直活躍於老變的各個時期,一直都有不同版本的玩具推出,並沒其它好多同模角色一樣只為是改色命。不過來到經典4.0時代(Generations),佢的命運又同Trailbreaker緊密聯繫起身了,下文慢慢細數。
動畫中的Hoist為一名博派的技術人員,負責維修保養同伴,右手可以發射有追蹤能力的導彈,頭部則具有掃描分析器,能分析1200碼以內物體的成份、密度、強度等等。G1時代的車形態為toyota的pick-up truck(有意思的是,個人第一部揸和炒車的pick-up就是呢款車,很有親切感呢~~),可以拖動40000磅的物體。 下邊的圖可以見到,Hoist屬於85年的出品,說明書已經變為單色(可以對比上期Trailbreaker的相關介紹)。另外Hoist的譯名今次我會中意港譯的荷斯多d,完全音譯,夠親切!



DW時期外形和G1時期分別唔大,依然都是大肚子的壯漢一名。


來到IDW時期,Hoist迎來瘦身,整體風格幹練,肥仔變靚仔,哈哈。今次出品,美版的綠色偏草綠,沒日版咁動畫feel,另外補充下上次沒講的,來到4.0時代,跟隨孩記比例縮水的步伐,Hoist佢地的車型態下都顯得袖珍左好多,呢個是個人最最唔滿意的地方。



之所以在上期講佢同Trailbreaker可以入選今年十大,同佢變形系統有關。雖然車型偏細,但巧妙的變形後,身材唔差的,唔算太麻煩的卡扣扭動換來平衡好扭的身軀,想唔中意佢都難。最緊要是兩位的頭雕都算是靚仔界的一份子,好感度當然加分!其保險杠位同樣學日版有所補充,而且橙色部份感覺同日版差唔多,沒之前Trailbreaker版有偏淺色的問題。


原本配的武器只有吊臂變成的槍,感覺弱鷄左d。。。


點辦?有補品就解決喇,上期講過的X2toys補件是有埋Hoist的配件和貼紙的,貼上和裝完後,當堂靚爆鏡,哈哈。



整套補件會比Trailbeaker既完整,利用車斗上邊的空間加多一套配件比佢,更加工程車feel。





變形後的改變就好明顯了,Hoist標誌性的後背雙飛翼重現,右手腕炮亦有返,越講越有愛添~~


眼部透光性Hoist唔及Trailbreaker喇,而且美版跟漫畫色為黃色,平時更顯一般,甚至一度我覺得似藍色添,呢方面跟返動畫設定的日版應該好d。其它就沒太多好講了,玩吧~~








之前講過今次Hoist又再跟返G1時的設定,變為Trailbreaker的改色出品,當然和當年一樣,改色換頭後可以得出兩款風格完全唔同的作品。










就車型而言,我會更加中意Hoist,因為自己細細個就已經中意收集吊車黎玩,可惜今次個吊臂唔夠力,否則就完美喇。







後記:雖然明年個人唔中意真人電影玩具又再次來襲并會佔用產品線,但Generations的出品已確定會延續和會越發精彩,繼續期待吧!

4 則留言:

  1. 加咗補品完全唔同哂!!! 正!!
    補品係咪O係淘X BIT??

    回覆刪除
    回覆
    1. 我托朋友入手既。淘寶應該都有。

      刪除
  2. 唔錯! 我都有小小想買, 但依家好少玩Generations, 所以只好師兄的圗了!

    回覆刪除
  3. 正努力修復blog中,多謝支持!!

    回覆刪除