2013年12月25日星期三

2013 年終總結


轉眼間13年即將過去,回望過去一年,一步一腳印啦,入既嘢少左,不過資金則有增無減就是喇~~今年最特別是年底的指定動作不再係Yahoo Blog上進行而是改為在Blogger上,當是一個送舊迎新啦,只是YB這樣的行為實在不負責任,多年建立的東西唔是換地方就可以代替到的。。。
好,入正題吧。由於YB臨時的決定,導致年底好多出po的計劃都變了,以往的blog友亦熱情不再的樣子,所以下邊大部分東西都是第一次影,未得細品,效果一般見諒~~第一件講的是上個月入的新品,新版忍者龜的第一大天敵:Shredder。實際上這只是13年SDCC特別版的平民版,沒電鍍但價格親民。講落這傢伙算是我入手的第一款忍者龜反角,因為我一直都只是入唔同版本的忍者龜四子,其它角色一概五是了。。。整體上這傢伙是合格的,頭盔可以脫落,但可動就有限公司了,比起主角四龜,實在失色不少。 


LEGEND BB 的武者號鬥丸。這是我事隔多年後重新玩的B戰士,亦因為新規下重出經典武者實在吸引,所以我亦入手了不少舊版的B戰士改造成LEGEND版以配合佢,工程唔細但能勾起童年回憶亦不失為一個有趣的嘗試。(不過因為技術唔再是素組階段,所以整一隻花的時間比以往多左好多~~)


EX天平座!這是我細個最中意的黃金聖鬥士,理由只有一個,武器多。。。其實舊版聖衣神話我已經有入,不過當年的邪神look實在難忍,好多年前就已經轉讓,現在EX重設,大好!


好,講完較為雜的玩意後,轉為個人比較專註的三個系列了。今年星戰的收藏比以往要少,除左出品唔多外,該有的角色都有了,亦就沒左以往會重入舊品所帶來的藏量井噴現象了。今年的企劃正式進入THE BLACK SERIES系列,所有出品都黑黑一片,但效果唔錯,總有種好想收齊的感覺,即便是翻出或出品一般;另外該系列分出一個六吋的系列,將經典角色用marvel六吋的概念推出,雖然我唔會落呢個坑好深,但某d角色還是會入的,例如這隻BOBA。同上邊的Shredder一樣,佢都是SDCC的平民版,沒左老Han的碳化版但價錢合理。對於呢個系列,我未得閑開po細賞了,留待明年吧!


理論上,呢隻Obi唔是今年入的,但卻是今年先開黎玩。。。除了光劍可以發光外,佢最大的意義是我第800隻SW 375收藏,加上又是最中意的Obi,愛不惜手!


這款LEGO 鬧鐘的入選,好大程度同送比我的人有關,雖然有d瑕疵,但唔阻礙佢日日早上在床頭叫我起床的工作,呵呵。


到TF系列了。從今年開始,我正式入MP呢個大坑,多得OP 2.0的推出啦,當然自己的G1情結亦起到好大的推波助瀾的作用XD。因為咁,我的TF收藏路線亦發生左改變,日後會是MP同經典系列雙線平衡發展,再在中間加入個人覺得必要的其它系列角色作為點綴~~
下邊這款音波是個人在芸芸眾MP中選出的,理由?介紹佢時會講。 



METROPLEX,暫時個人藏品中最大隻的老變,到目前還未拆綫玩,因為真是好大,有心情再玩了~~


SIC系列!今年呢個系列玩得唔多,可能是出品少的緣故吧,而且最驚艷的都集中在OOO系中了,基本每一款都好正,那麽就以最新的SHATUA COMBO作為代表吧。抱歉今年只介紹了一款OOO的SIC,明年大幹一番吧!


其實今年遲遲唔介紹OOO就是為了這臺車!這是今年唯一的拉打車車作品了,當然入選十大,既然萬事俱備,那麽OOO 的介紹po明年約定各位同好了,哈哈。


後記:新一年即將來臨,在此本仁向各位先行講聲新年快樂!期待明年在此blog可以大展拳腳,并能有更多同好支持吧!

4 則留言:

  1. 無心再寫blog?? 係咪講我?? 我剛剛先將yb大部份post 搬回來, 休息一陣, 請多多包涵!!
    我都入咗 tf mp 呢個黑洞!!

    回覆刪除
    回覆
    1. 唔是啊,是一d前輩咋,呵呵。或者真是其他大大都搬屋中啦,真是好希望可以係新地方都可以見到各大大繼續有好po出~~(當然都希望你都快d有新po分享啦!哈哈)

      刪除
    2. 2013真係好多Yahoo Blog友意義重大的一年…
      小弟無可否認見到新地方人數少了,寫Blog的動力真係少了不少,
      不過暫時遇到很想分享的東西仍然會的起心肝寫blog~
      祝來年新年快樂﹗

      刪除
    3. 見到你在新地方有繼續已經好開心喇,加油啦,happy new year!

      刪除