2013年9月15日星期日

甩尾劍王


 等0左好耐,終於可以繼續買老變喇,希望經典系列繼續長賣長有,電影怪物早日收皮!!!
今次入手的是Generations 3.0的Drift,一個屬於漫畫世界的有型靚仔劍客。。。至於同wave的WFC op,bee,突斯我就只是入0左op,不過改色中,日後再post了。Bee玩過,一般,放棄;突斯已經有貴價日版,美版雖唔差,但於我真是都幾鷄肋下,唯有放棄。所以綜合而言,wave1我最期待的就是本文主角-Drift。
Drift,叫漂移應該沒問題,本屬於狂派的一份子,不過後來加入博派,故此有了下邊的漫畫封面,當時入手該漫畫時,就諗緊幾時先有佢的玩具,在無視了民間果隻後終於等到官方出。其絕對是近期TF界的新星,人氣之高更加令到IDW幫其另起爐灶開出一個新篇章。。。其身世就不多介紹了,日後毒王KINSIR自會補充


 進入主題,睇睇本post主角。面相ok,但從第一張圖可以看出,其初始設定時都頗多idea的,玩具稍嫌線條不夠銳利,可能同安全法有關吧,反正未算好滿意。自己參照原設repaint過一d細節位,例如兩腮的黃色,肩膀的金色,心口的金屬藍色等等。


 先睇車型,因為孩記爲免比版權,所以其實呢部0野都真是唔知是乜。。。TFWIKI話是介於兩款車之間,分別是日產的Siliva S15同三菱 FTO。


 雖然唔知是乜車,但細節做足,一定唔差過那些電影怪物。接縫位可以接受,最緊要是變形後唔會有個大龜背。不過比例比起之前1.0,2.0的博派車都要大就是喇。。





 其標誌大劍可以直接收於車底,而且亦可以睇出車底好工整,沒太多突出設計,比起電影怪物果d所謂真車設計更加出色。


 變形過程就唔多影喇,變形繫統適中,唔會有電影怪物那些變一次就唔想再變多次的問題。其實使諗下當年老變的宗旨是乜?就是變形樂趣,可以令人時不時就攞起玩具在手中變動一番,而且過程愉快。但反觀電影怪物呢?沒錯,設計是好巧妙,但變一次往往令人煩惱,變好一邊另一邊唔是合唔埋就是跌件,咁試問何樂趣之有?更加唔好講變出來的基本唔是怪物就是怪物,還叫咩變形金剛?只是一d打着前輩的旗號招搖過市罷了,所以本仁真是見到滿貨架都是怪物就心煩,好在今年終於可以有得揀,餓0左咁耐老變終於有得飽餐一頓。。。


 牢騷一番後睇返件玩具,今次漂移的整體設計是較為巧妙的,車門正好變為劍鞘,當年MP03的腰刀設計終於出師有名。
 

 外形可以好高分了,但可動性卻又要減分不少啵。受限於雙肩的大蓋,雙臂的活動能力一般,基本擺唔出太多有型的pose。雙腳同樣活動能力唔夠。



 下跪只能借位,可能同其小腿設計過份簡練有關。。。


 “天下無雙”大劍出鞘!可惜是軟膠,唔郁佢自己都會變軟。。。不過真的頗有氣勢的。




 一位難得只用冷兵器的博派成員,漫畫中亦一副獨客行的模樣,真的俠骨十足,如果設計上再細緻d,佢一定是我近期最愛的老變。。

 


後記:由買到佢,到玩上手,我真是試過破口大罵:XXXX啊,咁先至是老變咖嘛,之前果d怪物都唔知做乜!!!。。。而且仲要浪費曬d好設計落呢個系列度,真是諗起都把起火!目前希望G 3.0的wave2儘快上市,因為真是好想快d玩隻WFC音波。。。

1 則留言:

  1. 吾乃BAKA。
    2010年9月10日上午9:50
    补充补充,第三部好像更变本加厉,连机具形态[汽车等],也加上大量的外挂武器,如飞弹集束箱、大炮等、搞到四不像,走火入魔的地步[汗颜],眨眼看还以为是007百变车的说[无言]相信不是洋人的错,是班电影人的问题,不明粉丝们的需要吧^^;。
    回覆

    落難阿仁
    2010年9月10日下午8:30
    電影還是會睇,但玩具就唔好預我。電影系趕快收皮,不要佔住條生產線就是了。。。

    吾乃BAKA。
    2010年9月10日上午9:13
    相逢恨晚呐~阿仁o酱~[泪目中] Revoltech是日本产品,却忠实重现漫画风,对以前的在下来说实在惊艳。虽然不能变形,但高可动与忠实重现这点,表示很满足。 但很久没TF消息了,感觉岌岌可危~_~;能见到Drift这角色出现在这系列更是微乎其微的说~
    回覆

    落難阿仁
    2010年9月10日下午8:29
    因為果陣佢整的都是DW的風格,現在DW已經倒閉,估計IDW版權問題不是那麽容易傾掛。而且山口再出TF,市場不大,看看目前大部分TF山口都唔高價,北美呢邊無人問尊就知,老變不會變形,本來就失去了其最大的魅力

    YAYA
    2010年9月10日上午8:51
    咁佢狂派果時係未唔同色呢?
    回覆

    落難阿仁
    2010年9月10日下午8:25
    好似一樣,個故事未知,因為本漫畫未出版,呵呵

    吾乃BAKA。
    2010年9月10日上午8:23
    看着封面图感觉好像看到日升的超级系…^^; ,但美式的强烈光暗对比是最大的差别/不同 变形、造型、可动如要三方面都要满足到挺难…就商来说成本和市场能否成正比是一个问题,平面设计与立体化往往是两回事,以前的作品在这方面挺严重…所以就出现了如TFA的作品。商品与作品同时开发与互相迁就的解决方案… 电影方面,在下从第一部就对他很有成见!过火的造型犹如废铁堆积体。人型也不到位,算是怪人吧…要不,来个端正人型。再不,彻底的怪兽化更好!! revoltech相信能满足漫画迷吧^^在下蛮喜欢他的造型,很到位!!但很久没TF消息了,很怀念呀~ 很久没上来了的说~抱歉
    回覆

    落難阿仁
    2010年9月10日上午8:36
    對於電影,我可以同你握手了,知音啊
    不用抱歉,我都成日去人家處睇完就走

    Cherng haw Yong
    2010年8月27日下午3:33
    Hi仁兄,其实看了你的Blog很久了,只是扮成过路客,真是不好意思~! 仁兄有没有发觉那些TF拿冷兵器,往往都有一副帅气的貌相。可惜的是可动度差了点,加上头雕没漫画中锐利,犹如嫩草的剑客,不够火候! 有兴趣的话,也来我的 blog 吹吹水咯。
    回覆

    落難阿仁
    2010年8月27日下午6:54
    估計是玩具法規限製了。。。
    一定來的,歡迎光臨!

    Garycharm
    2010年8月18日下午9:56
    呢隻係好,但由外型到活動能力,硬係差少少,
    真係每樣都差少少!
    令佢未能擠身頂尖好物行列,幾可惜~~~
    回覆

    落難阿仁
    2010年8月18日下午11:43
    是啊。呢個是硬傷,不過孩記肯出一個沒動畫支持的角色,都算是咁喇。。。

    文字
    2010年8月18日下午5:04
    我重未係斗斗城見到 如果見到都想入...tf好少人用冷兵器.....
    回覆

    落難阿仁
    2010年8月18日下午8:17
    我見到好多香港人都玩緊咖?居然未上?

    Elljay
    2010年8月18日下午4:18
    呢款我想要的,不過我會等日版。
    同模的急先鋒我更喜歡呢
    回覆

    落難阿仁
    2010年8月18日下午8:16
    主要是我唔覺得佢會有日版,因為呢個是美國的漫畫角色,日本應該沒版權。當然唔排除佢會改名出。。

    Kin
    2010年8月18日下午2:01
    我入手嘅話,可能第一時間會同佢換面 。實物暫時未玩過,可能上手感覺會好好。但睇相,稍微累贅咗少少。雖然整體都算設計得ok,但要挑剔地方係有。靚仔角色,肯定會挑剔多啲貪心多啲。
    回覆

    落難阿仁
    2010年8月18日下午8:16
    真是好多地方要挑剔,可動性唔夠是最大罪,正如我所講,呢種劍客居然唔多可動,你話死唔死。。。
    換面我都唔知換乜好。。。睇睇到時你點搞再算。。。

    warxv
    2010年8月18日上午9:49
    你想油過的方式同我差不多WOW!!不過我想統一用晒銀藍,仲有個"侍"字真係幾唔討好的,最叫我不滿的是機械人時個侍字仲要反轉左,如果唔係都仲型仔D.
    回覆

    落難阿仁
    2010年8月18日下午8:14
    銀藍?邊d位?成隻?0黎緊真是有隻改色是藍色啵,不如你等果隻?

    回覆刪除