2013年9月15日星期日

吉星高照!



 今次講的是Tracks(吉斯)的最新版本。理所當然,今次又是有美日可供選擇:美版有熱感,但車頭拉花火炎難看;日版有金屬色車身加經典的火炎拉花,但價錢貴好很多。。。如何選擇就真的見仁見智了,在此不妨講講今次所謂的經典3.0我的睇法。今次的出品,美版爲Reveal the shield,基本上電影怪物有之,Generation的有之,公冶一爐。日版則是united,品種有新有舊,同樣的大雜燴。那麽如何選擇好?其實如果你兩者都有,你就會發現,今次美版的出版,除去上色的問題,實際上兩者是沒分別的;日版雖然有華麗的外衣,但真是僅限與外衣,內裡根本就是與美版一樣的用料用色!比如前段時間的Drift,又或是今次的主角吉斯,甚至因為美版用色偏淺而令色差不那麽明顯的問題,日版卻因所謂的金屬色而顯得礙眼。試問,在北美,一隻日版等於兩到三隻美版的價錢,你會如何選擇?再者,今次美版的用色,部份角色甚至比日版更有味道,咁所謂的日版就一定好的歪理是否是時候要撥亂反正呢?相信一直有玩開老變的老迷友是不會有日版就一定萬歲的歪理,只是萬惡的電影怪物出現後,美日出品出現了如此大的鴻溝;美版又確是爭唔落的。。。如今來到經典3.0時代,這個問題又再次回到邪神三部曲的時代,美日出品各有千秋,真是好極,希望美版能繼續保持,不要因為電影怪物的上市而又再令人失望。


 今次的吉斯我是美日都入了,無他,美版出貨時日版還未有官圖睇,在等唔切的因素驅使下,入了美版。但日版官圖一出,又被更加忠於我心中吉斯形像的出品而折服,乖乖比錢入多隻。。。


無疑日版的細部上色要比美版工整的,但亦有略為失色的地方,就是腋下的地方,美版是有金屬色的,但日版則是藍色一件過了事。。。



 可動性嘛,因為大肚的關係,非常一般,即便關節齊全。


 對於這個角色,更多的人物介紹就留待毒王去荼毒大眾吧,我還是講講我自己對該角色的感受好了。相信每一位有睇G1動畫的80後,都會有某幾個角色特別有印像,剛好吉斯就是我自己有印像的那幾位之一了。不是所有的角色都可以在98集的動畫中佔據一整集成為主角的,咁巧吉斯是其中一位,而我又咁0岩將果一集睇了無數次,呵呵。老實講,少少覺得G1時代的吉斯比新版呢隻好睇,起碼比例正常,沒有礙事的大肚腩,或者世事往往就是如此無奈吧。


 變形!吉斯同閃電光一樣,對自己的汽車模式相當自負。新版的設定下,這是什麽車已經不能輕鬆認出了,但經典元素基本保留。



 爲了這對大火翼,比多少少都心甘,唉。。。


 至少車尾的圓燈還有保留,即使縮減至得返一個。。。


 飛行模式,完敗的設計,G1果個樣子好太多了。



 既然之前講過美日都有買,那麽美版如何處理呢?我就大動作一點,改色爲當年e-hobby限定的Road Rage。其實這個配色還有段古的,大家有興趣可以睇睇一位前輩的文章:http://bbs.actoys.net/read.php?tid-563074.html


 基於吉斯的角色設定,絕對有理由相信佢骨子裡是有女人的心態,唔知是咪咁,官方將其變成女人,沒錯,根據TF wiki的介紹,Road Rage是女性角色來。。。


 要講的吉斯部份已經講了,用色方面我是刻意噴成金屬紅的,與日版相輝映嘛。




 變形!原本諗住車頭加拉花的,但個漆面很光滑,作罷。



 死氣喉比日版更加電鍍,因為我是用電鍍色上色的XD。


 好吧,一個角色內心的兩個面同臺共舞了,哈哈。



 雙雙變成車比翼雙飛。。







 最後博士都等唔切,現身同各位拜年,過年嘛,還是紅色有氣氛。正如我微博上所講,日版?仁版!




後記:下篇老變應該是Jazz了,但日版同樣沒驚艷之處,如非看重雪白的車殼,真是不用嘥錢買貴物。。。點都好,最緊要自己喜歡,亦希望各位同樣入到心頭好,兔年心想事成!

1 則留言:

  1. Kin
    2011年3月3日下午3:21
    又走過嚟受你引誘一次... 可惜Tracks同博士一樣比其他同級矮咗一截,算叫做多一個可以令我冷靜嘅因素。博士嘅白色拉邊好靚,根本就唔洗等日版啦! 原來Road Rage係女仔嚟,怪不得TFA都有相近設定,然後在tfwiki又揾到一張新連載圖片。日後TCC肯定有機會出佢,有意思!
    回覆

    落難阿仁
    2011年3月4日上午4:47
    哈哈,如果官方出,可否話佢抄橋呢?XD

    nesidoh
    2011年2月27日下午3:41
    吉斯係我細個第一二隻既Transformer, 而家呢d 靚左九倍
    回覆

    落難阿仁
    2011年2月27日下午8:17
    是啊,但如果車型可以跟返就完美了。。。

    北斗之迷chan
    2011年2月25日下午1:17
    有空來我Blog....有新攪作
    回覆

    落難阿仁
    2011年2月27日下午8:17
    (Empty)

    北斗之迷chan
    2011年2月11日上午10:48
    的確好正 的確好正
    回覆

    落難阿仁
    2011年2月12日上午2:59
    thx!

    五金
    2011年2月8日上午5:52
    Track 日版嘅藍色的確好正, 可惜我買唔到 !!
    不過車頭嘅火炎圖案, 我就比較鍾意美版多d!!
    回覆

    落難阿仁
    2011年2月8日上午8:35
    所以話見仁見智,我入多次更多就是因為日版更加經典,僅此而已。。。所以如果你以前沒玩開老變,美版足矣

    chshshing
    2011年2月7日下午7:45
    點解老變成有日、美版之分?批貨唔係喺同一個大陸廠造?
    回覆

    落難阿仁
    2011年2月7日下午10:51
    的確是大陸做,但日版就是細節上會好d,可能兩間公司本身就夾定,等d玩家兩者難以取舍。。。

    CHI WAI
    2011年2月7日下午3:10
    新年快樂! 祝你今年可以買到更多心愛的玩具及與我們分享更多。
    回覆

    落難阿仁
    2011年2月7日下午10:50
    一定一定!大家咁話,新年大吉!

    回覆刪除