2013年9月15日星期日

星戰玩物介紹-LEGO 9494


 今次講的應該是以前從未講過咖喇,LEGO的星戰系列。基本上,我是唔多玩除375以外的星戰,因為就375都已經夠我玩了。咁何解又會同LEGO這個系列拉上關係呢?答案要從年頭回國時講起;話說這次回國,除左拜會了唔少玩具界大佬外,最緊要是可以同多年的星戰死黨一聚,因為佢係報業做編輯的關係,本仁仲第一次上埋報紙分享心得添,呵呵。臨走時,黎送機的這位死黨送左一盒LEGO比我,就是今期的主角了。於是,為左唔好辜負好友的好意,所以第一次在個人的星戰介紹系列入邊加入LEGO呢個系列,當然應該是第一亦是唯一果隻了,呵呵。
好,入正題,對上一次玩LEGO應該是小學既時候了,當然玩的既有city系列,亦有好中意的海盜系列,仲好記得第一隻LEGO公仔是一個警察。。。廿幾年後,再一次打開LEGO的包裝盒,感覺好奇妙,好似時光倒流二十年咁,兒時的感覺再次湧上心頭~~
咁大盒野就四包件,未砌都估到難度一般了。

 說明書同唔多中意的貼紙一張。


 正如好友所講,送呢盒就是貪佢夠人齊,基本主要角色都有了。為左表示誠意,我自行入多隻3PO的散貨,同R2組返一對。


 人物先吧,Obi-Won,我最中意的星戰角色,因為一直都覺得唔夠齊,佢既人物介紹一直沒出呢。頭部有兩個表情可換,唔錯。背面印刷就而家的LEGO而言,算是標配喇掛。。。




 Anakin Skywalker/Darth Vader,一直沒咩感覺的角色,即便佢好重要~~




 電影中不可缺少的甘草角色,R2和3PO,兩隻都是新版,不過不失。



 Duro星人Nute Gunray & Security Battle Droid。聊勝於無的贈品吧。



 人物講完,就到戲玉部份了,Jedi Interceptor。製作過程略影了(實際上,以往我是根本唔會影過程的,今次友誼萬歲!哈哈)





 

 座艙完成,第一次砌LEGO的飛船類,真是好巧妙的一個組裝過程!


 左右機翼部份:






 完成!


 這款並非EP3開幕時Ani用的黃色款,而是最後師徒大戰前用的綠色版本,貼紙唔多想貼了,有機會吧。。。
 Jedi Interceptor:為clone war期間,共和國工程師聽取Ani對上一代戰機提出的多項建議改進後的產物;其設計大膽激進,外形輕巧,大部分的資源都用在了推進的速度和火力上。因此,使用的Jedi必須依靠自身的原力去感應敵機的坐標和自身的飛行狀態。由於機型較小,電容器限制了射擊的頻率,估其不具備連射的條件。另外由於體積問題,該機亦不能自行超空間飛行,必須外接一個助推環(Hyperdrive Booster),很可惜,今次的套件沒呢件野。
 很多細節都做到了,玩過孩記的版本,實際上亦不外如是(仲沒得砌添)





 六角翼展開可能,這個設計亦被日後的帝國TIE戰機所採用。




 師徒對決!本品另一個賣點,可以重現兩師徒在Mustafar星中最後的熔岩大戰!由衷地説,如果唔是好友的相贈,我唔可能玩到呢個版本的佢哋,真是好多謝好友的一份心意!期待下次回國再聚!







後記:可以一不可再吧,LEGO的星戰系列告一個段落,有緣再玩吧,還是努力準備新一期的星戰人物介紹好了,哈哈~~

1 則留言:

  1. Johnny
    2012年9月24日下午11:32
    不過呢款除咗人仔吸引外, 架機同啲配件都唔錯喎
    回覆

    落難阿仁
    2012年9月24日下午11:34
    就綜合性而言,呢set的確物有所值~~

    老祺
    2012年6月25日下午11:53
    lego人仔吸引過機械呢...
    回覆

    落難阿仁
    2012年6月26日下午8:01
    哈哈,或者呢d就是lego既魅力啦

    chshting
    2012年6月19日上午8:52
    連星戰Lego都沾手埋﹖小心踩多一個星戰深坑啊
    回覆

    落難阿仁
    2012年6月19日下午8:08
    呵呵,呢盒只是我個friend送既,我唔會跌落呢個坑咖喇

    回覆刪除