2013年9月15日星期日

粉絲的力量-PROTECTOR

 今期講的是到手好耐,擺在檯面亦好耐卻沒時間影的FPJ TFX-04 PROTECTOR。就咁睇名真是唔知邊位,所以直接地,稱呼其爲洛迪文馬甲好了。
一直好睇好FPJ的出品,無他,起碼不會一味地偷取原有的設計,放大縮小就賣個好幾百,即便FPJ的價錢亦唔便宜,但起碼買個創意,值得。
洛迪文是我兒時第二個玩過的博派領袖,2010時代,我仲曾經覺得佢比OP更加有型靚仔。。。所以知道FPJ有意開發馬甲後,立即重買日版的火棒,後來亦證明自己先見之明是多麽的慳錢。。。有關洛迪文的歷史不作多言,太多大俠講過了,各位網路上搜尋一下就是了。



 整體上而言,好洛迪文,感覺如果經典系列會出的話,大概亦就是這麽一回事了。


 簡簡單單的開合相扣,流線跑車就變身成拖卡大房車,配合另購的電鍍配件,整體渾然天成,就好似官方出品一般(講真,官方不唔可能有這般出品了)。


 取用別人的熱感貼上,G1感馬上回來,當年的遺憾,今日得以補償。


 附帶新設計的可收納小跑車,OP的小滾珠從此不再唯一,呵呵。如果論做工,一個大大的透明座艙甚至比G3貨櫃的小滾珠更加出色。SIDEARM爲火棒的目標戰士,需另購,不過不失。


 配合G3貨櫃玩,又是另一番風味,因為懶得開盒了,馬格斯馬甲合影欠奉,哈哈。小小遺憾,影棚唔夠大。。。



 好,一切先從原本開始,henkei版火棒。這傢伙我買的時候亦不過一百幾十,幾年後馬甲一出,立馬升價十倍不止有時真是要問,這種歪風何時了。。。


 變形後的火棒真是沒心情擺pose,講落以前我是第一時間入了美版的,就是因為唔好玩而送0左比個friend,多得FPJ,我又買多次了。


 套上馬甲後,即時大不同。面相我接受的,反正我不喜那個老相的洛迪文。。。但如果頭部處理不是戴帽式,會更好。


 整體比例成倍提升,FPJ再一次沒有令其fans失望。因為雙手重新設計,活動範圍增加不少。





 老實講,今次個車箱可用部件不多,那麽剩下的如何處理?答案就是跟回原設,變成洛迪文的迷你炮臺。炮臺更加可以搭配目標戰士玩,真是每一個位置都利用到了。



 睇得多KIN SIR出品,自己都玩0下0野,搞搞劇場先。麥SIR,文哥客串。麥SIR沒有理會今年的重出,今年的日版出品太沒誠意了。另外,麥SIR你沒睇錯,我亦沒PS過,的而且缺是沒了礙事的背部翅膀,KIN SIR睇完心動否?哈哈


 唔知點解好中意麥SIR虐待文哥,可能動畫中麥SIR被文哥壓得太慘了XD。


 雙雄相遇,細佬當然要幫大佬出頭。。。


 唔需要開片,一槍搞掂,當年麥SIR咪又是咁。。。


 搞掂收工,但攞槍的雙手不連戲了。。。


 兩代領袖併肩作戰!這個想了廿十幾年的場面,今日終於擺到了!



 即便沒馬甲昇級,經典文哥依然可以勝過今日好多出品,可歎。。。



 兩個雙槍雄,相信如果動畫有咁的光景,狂派再難抬頭。


 FPJ特別附上握手配件,那一幕可以再現,的確是再一次令粉絲熱淚盈眶的設計。當然,可以重現到開首的果張相的經典動作,權力的交接。只是,洛迪文的角色設計太過平淡無奇就是了。


後記:最近經典系列不斷有新作,心中大喜,但一見到未來怪物一片,真是又從天堂跌回地獄咁,只求這些怪物儘早離開地球好了。。。

1 則留言:

  1. 文字
    2011年3月7日下午4:03
    比上次文哥的貨櫃進步左好多
    回覆

    落難阿仁
    2011年3月7日下午6:13
    哈哈,貨櫃始終唔難搞,所以呢件有氣勢好多

    Mr.L
    2011年3月6日上午10:30
    呢隻幾型喎..幾高到...
    我冇玩開變形..但呢隻洛迪文真係幾型..你買個時幾錢到@@
    回覆

    落難阿仁
    2011年3月6日下午8:11
    買果陣要85usd啊。。。高度同一般V級接近,亦就是8吋左右。

    Kin
    2011年3月3日下午2:42
    基本上文中你所講,完全就等同我嘅心聲。FP嘅設計思維,有heart之余眞係非常Classic style,而且成件玩具質感手感都相當精彩。相比起充滿詬病嘅MP9,Protector眞係好好多。原本我仲心思思是否要入MP9,家下睇曬啲意見之後完全別無他想。睇佢日後再版再講。 講番老麥,拆咗對翼確實好G1喔,但變形露曬啲件出嚟後效果如何?
    回覆

    落難阿仁
    2011年3月4日上午4:45
    老麥果度,唔影響變形,是背部會有個扳機位囉,但好多經典形像都有,問題不大。

    Relax
    2011年3月3日下午1:52
    唔該曬已睇到! 但炒得太貴買唔起! >.<
    回覆

    落難阿仁
    2011年3月4日上午4:45
    貨櫃都炒。。。

    Relax
    2011年3月3日上午2:39
    問心睇落你的火棒連馬甲真係正過剛剛出爐的MP版! Classic版柯柏文的貨櫃我更是買唔到! 睇到流口水!
    回覆

    落難阿仁
    2011年3月3日上午4:11
    MP始終更加貼近原作,老相左d。。。
    貨櫃我呢邊貨好多,可以試試上淘寶買,淘寶做HK生意的

    Randy
    2011年3月2日上午1:58
    我睇錯個題目係「粉碎的力量」....SOR....
    係幾靚....但買唔起= =
    回覆

    落難阿仁
    2011年3月2日上午5:10
    呵呵,無所謂啦

    Juno
    2011年3月1日下午2:00
    fp d野真係掂過官方,馬甲呀,布斯達呀;夠曬驚喜
    回覆

    落難阿仁
    2011年3月2日上午5:10
    呵呵,連價錢都好過官方添

    大Ken
    2011年3月1日上午9:24
    我係G1代的人,對於現今的老變都有點抗拒感...
    但看到這隻重新設計的火棒,真的有點心動,實在比MP有吸引力呢!
    回覆

    落難阿仁
    2011年3月1日上午9:37
    其實同你一樣都是G1時代的人,但用現在的角度睇返過往,的確很多都不再美好了;但呢個系列正好可以彌補到呢份遺憾,所以可以講,我講以往對G1的感情都擺在這個系列上了。或者咁講,當當年那些睇着G1大的男仔,在其二十多年後要玩些怎樣的TF呢?呢個系列就是答案。。。

    北斗之迷chan
    2011年3月1日上午7:00
    火棒同火棒櫃,勁多了!
    回覆

    落難阿仁
    2011年3月1日上午9:34
    的確是!

    五金
    2011年3月1日上午1:45
    可動性我就唔清楚, 不過我覺得人形同車形都正過 mp 版!!
    回覆

    落難阿仁
    2011年3月1日上午4:54
    MP比較接近TV原設,可動當然因為體積大而高d咖喇,不過睇價錢食飯,自己中意就好

    回覆刪除