2013年9月15日星期日

美型進化--Springer


 轉眼到了老變三十週年,為此,孩記推出generation 4.0,亦就是所謂的經典4.0.唔理佢系列叫咩,反正就是我玩開的系列,當然又可以磨拳擦掌喇.暫時推出的產品為兩款V級,閃電因為出品稍微差d,下次講吧,但Springer百丈跳確實十分驚艷,所以一到手立即post!
百丈跳的歷史在此不作多言了,老友KINSIR早有詳細講評佢的前世今生,但每個人都會對老變入邊的唔同角色有唔同的睇法,佢亦唔例外;對於百丈跳,我更多是停留在兒時睇G1第三季時的回憶.果陣老變第一次出現三變玩具,一如既往地,我是唔會擁有佢哋(又是G1 OP惹的禍),所以睇住其他細路玩自己又沒得玩的感受真是難受,好在廿幾年後,孩記幫我重新完夢.
新的百丈跳改以IDW的形象為藍本,身材比例出色,幹練而不失原著般的壯健.就出品而言,上色問題依然存在,甚至吻合度都有問題,但用料卻是可以接收,或者講美版經典2.0的出品真是太水皮了...

 好,閒話休題,進入主題!人形比例非常好睇,絕對是近來V級出品最好之一,甚至比起好多舊有經典系列的V級來得高挑.小腿部份的飛翼我沒打開,因為個人更加喜歡小腿擁有直綫般的綫條.


 頭部設計就改為IDW風格,俊俏之餘透光性一流.


 可動度同樣滿意,就手臂部份已經有多重關節設計,可以擺出自然pose.


 百丈跳特色之一就是除了用槍還會用冷兵器,亦令兒時的自己為之迷戀~~



 主武器設計得唔錯,即便有手動彈射位外形都不會過分肥大.



 百丈跳在漫畫世界中乃是博派著名戰隊WRECKERS的主要成員之一,更以一關轉筒機炮令其人氣大增,好似已經有第三方作手出品了,不過個人就興趣不大,與其比十幾蚊買配件,還不如自己發掘武器庫.於是一把EVA用的六管機炮就被選上喇.^^


 把握度當然不及專門設計的配件,但外形比例剛好,玩玩pose足夠喇. 




 變形! 三變的核心價值就在於變形系統,出色則幾種形態都好,否則就會兩頭唔到岸(同wave的閃電就是反面教材喇).今次百丈跳不再變為一部G1時期的火箭車,而是一部實實在在的戰車,外形上總是覺得似高智能方程式入邊第一代的雷神,尤其是車頭都是黃色添.



 接合度唔是好好,尤其我手上這款部份位置有d鬆,更加難貼合.再有就是部份卡扣位唔算太清晰,好多時都扣唔到位,這是整個變形過程中最唔滿意的.


 插上機炮,就是戰車模式了.



 翻翻轉轉,就可以變成第二種形態戰鬥直升機.外形就見仁見智喇,唔多中意那個粗壯的機尾,不過起碼是有完整的外形.機頭可以插入機炮,令其武裝得更加完整,不過個人更加中意G1果個樣子.





後記: 今年老變經典系列復活,自然又會忙個不停興奮之餘,希望可以同各位分享更多!

1 則留言:

  1. Thomas
    2013年8月28日下午5:59
    I bought this one too
    回覆

    落難阿仁
    2013年8月29日上午5:46
    nice?

    Relax
    2013年6月3日上午8:04
    三變有此水準的確利害!
    回覆

    五金
    2013年6月2日下午3:54
    兩隻都入咗好耐, 但近來太忙, 完全無時間去寫BLOG......
    最初無想過入, 見過網上推薦先貫返, 果然好正!!
    回覆

    落難阿仁
    2013年6月2日下午7:42
    絕對令人對之後的出品充滿期待!

    回覆刪除