2013年9月15日星期日

風再起時。。。


 記得上年年頭,第一次入卡食版旋風。當時自己仲重新修改部份上色。及後日版henkei發售,一度想好似kin sir般比個藉口自己買多次。。。只是不知是個天知道之後美版會重出,定是自己好耐性等已經炒到好離譜的日版插水,最終都是沒入到。
結果當然就是今年美版重出動畫色,慳返一筆(因為隻火棒都炒得幾離譜)。。。


 下爲DW的設定,可以睇得出今次再版的設定是較為目標戰士時期的旋風,既沒日版般鮮艶,又沒美版第一次出果陣咁沉色。



 介乎与當年美日之間的配色,個人非常接受,即便要食兩件鷄肋都沒所謂。。。


 用料就明顯第一次出的美版好,起碼關節比較實淨。而其排擋Nightstick則更加接近返原設,並且有金色銀上色。


 飛機形態下雖然沒日版的電鍍,但反而更加接近動畫,簡朴實在。



 可惜後爭位沒統一返顔色,手部噴射口亦較為膠感,得閑要自行電鍍下先得。。。



 之後就是第一次入的版本,今次重新修改左部份細節位。詳情就不多言喇,以前講過,反正主要就是電鍍左塊面同對角;電鍍紫用於機翼,手腕等位置。



 Nightstick則電鍍左對腳同背後的炮口位置。


 整體效果。





 飛機形態;美版第一版用色較沉實,自己修改左顔色後,比較接近G1的玩具色。


 當年後邊沒細上色的噴射位都重新補上色。重新修改後很滿意了。。。






後記:兩隻各有各好,同當年日版一樣比較難取捨,不過點都好啦,classic系的老變複活點都是一件好事,終於不用再忍受貨架上無止境地齋補電影怪物的日子,真是好希望呢d怪物早日消失于呢個地球上!!!!

1 則留言:

  1. warxv
    2010年8月18日上午9:43
    呢隻出得好,但唔多討我歡心...因為我買了日版..... 美版色吸引多呢.....
    回覆

    落難阿仁
    2010年8月18日下午8:12
    哈哈,明顯今次孩記玩死好多之前入0左日版既人

    五金
    2010年8月16日下午3:06
    呢隻係唔係新版星星叫??
    回覆

    落難阿仁
    2010年8月16日下午7:34
    佢是旋風啵。。。

    Kin
    2010年8月16日上午11:15
    仁你放心,啲怪物老變淨番充其量兩年命。Bay越玩越離譜,一次過盡地一鋪好似想向世人報復咁。 講番旋風,今次嘅美版完全就係造福錯過henkei嘅朋友。有冇發覺,大部分情況下,美版若有機會出多次,都會比日版更G1,幾可惡啊你話。諸如今次嘅旋風,25th星星叫,Classic力基(雖然外型好唔G1,但果批貨量少到喊嘅美版紅色無限度令佢接近番G1)...
    回覆

    落難阿仁
    2010年8月16日下午7:34
    真是頂多玩埋第三集,希望佢快d收皮!
    我真是好想喊,星星叫都話可以自己改色,但尖頭舊真是欲哭無淚。。。又比孩記算計到喇。。。

    文字
    2010年8月15日下午4:57
    但個人面我我就喜歡第一版多D 膠感重但貼近原版
    回覆

    落難阿仁
    2010年8月15日下午7:49
    呵呵,我自己第一版都重塗左塊面,雖然貼近原版,但尿印太多,頂孩記唔順

    回覆刪除