波波傳奇

 Shockwave/震波, 兒時的印象就是守住太空橋的大配角罷,不過後來接觸TF漫畫漫畫界,以及官方的不斷發掘,這個角色原來是非常的不簡單.其絕對是一個在狂派中實力數一數二的角色,只不過城府深,你估佢唔到罷了.

G1時代的玩具已經好完整,後來經歷多次變化,,但獨眼單手炮的形象依舊不變.

 首先講的是TFP的版本.亦就是 第三季:Beast Hunters的重要角色.有關其身世就免了,TFP前兩季我幾乎沒點睇過,如果唔是第三季有第三派別出現,我都真是懶得追了...(反而漫畫版就一直有睇).

 TFP的玩具暫時我只有兩款,原因基本都是果個,非G1經典形象的一般唔會入.咁點解又會入呢隻版的震波呢?因為佢外形好經典,可以滿足我心目中G1的形象,不過如果有MP的版本,當然還是會毫不猶豫地放棄呢隻...去到TFP階段,美版的出品已經唔比日版差,起碼就TFP而言,直接移印點都比要自己貼紙的半成品好吧~~而呢隻震波,日版的金屬色亦唔是好得我歡心,始終覺得美版呢隻紫色先是震波的代表色.

 整體設計ok的,外形一流,高度亦中意叫做對板,不過手炮部份個人就唔多中意果個轉轉轉設計,十分之唔好睇....

 標誌性的獨眼透光度一流,而且心口夠通透,有內部刻畫,很具質感.

 外形就一流,可惜可動設計九流,上身兩臂還可以,但沒腰,失敗.

 大脾位置的連接位是類似經典麥sir的設計,典型的站立派,加上腳腕沒有可動關節,接地性好差,post根本擺唔多,我自己就cut咗關節上的扣,算是略為解放了大脾的部份可動範圍,但如果接上後背的覆帶,重心後移,好難企穩了.

 變形! 除去邪神版的衛星形態,後來的震波很多時候都是以戰車示人,包括電影3版.今次亦唔例外,不過就好求其既.如果唔是後邊有覆帶的設計,呢部嘢根本同戰車無關...

 之所以會有兩隻震波,好大原因是呢隻是比之前的TFP版先出,其實當時FOC推出後,就可以期待呢隻震波會實物化,因為都比較符合我的標準.只是真正有實物後,我是免為其難地介紹佢的.見到隻game中的CG形象就知,實際上呢隻震波都唔錯,所有經典元素齊備,只是...

 去到實體化階段後,孩記該死的慳成本策略令成件事都大不同了...就官方的設定,FOC是會連接TFP的,但就玩具而言,你根本睇唔出佢哋之間會有任何聯繫...不過即便是咁,呢隻嘢剛推出時仲是熱賣咗一陣,不過我就等到特價先買.

 透光度依舊,不過好細,而且整體比例好單薄

 不再是獨臂手炮,但受限於比例問題...

 大脾位置我故意變錯,因為太單薄喇...

 變形,遊戲中是一外星飛船,但玩具嘛,你話佢是乜就乜啦...可以自行調整噴漆筒位置,幻想一下佢是一枝識飛的激光炮...

後記: 大致上就是咁多了,對佢地實在沒乜好講,如果官方日後出MP,我諗我一定會重新詳細地介紹一番~~