進化--G2 麥sir 狂仁ver~~

 記得好耐之前入手了WFC的麥sir,當時入的是美版,無他,比日版平.原本真是對呢個系列沒感覺,畢竟之前一直都是只入經典系的老變.所以呢隻麥sir,當時只為用於改色用.點知一路拖到孩記今年都公佈了我想改的黑色飛機麥sir,於是唯有稍微變通,改成G2色吧.

 G2當年是有兩個版本的坦克麥sir的,大的為綠色,之前孩記已經通過改頭雕出過,我個人歷來都唔中意呢類夾硬嚟既野,所以最後改為改紫色版的,更加合心水.

 好明顯,全部改色都集中在上身了,原版的紫色上是帶有類似迷彩黑色三角的,但個人就嘛嘛中意呢個設計,一不做二不休,改用自家研究的金屬紫.一共就三層色,啞光黑打低,然後透明紫第二層,最後交替金屬紫薄薄咁一層修飾,大功告成.

 原本的紅色部份全部改為金屬紫,考慮到原本白色部份已經很有G2的模樣,就不作改色了.

 變形,下圖可以睇到兩款G2麥sir的大小對比.比照原版設定,履帶部份改塗為金屬藍,其它就唔理了,反正本來這東西都唔知佢想變乜...

 呢隻麥sir沒乜好講了,可動性唔算好,夠玩吧(其實都嘛嘛夠的)

後記: 個人的老變收藏方向近排有所改變了,至於改左乜?呵呵,日後自有分享!